Институтот на сметководители и овластени сметководители (ИСОС) продолжува со проширување на партнерствата со релевантни организации и институции преку потпишување на два нови меморандуми за соработка – со Американскиот универзитет на Европа – ФОН (АУЕ-ФОН) и со Комората на вештаци на Република Северна Македонија.
Соработка со АУЕ-ФОН: Едукација и практична поддршка за идните професионалциМеморандумот со Американскиот универзитет на Европа – ФОН е насочен кон продлабочување на соработката во доменот на едукацијата, стручната обука и развојот на практични вештини. Тој претставува втор Меморандум од ваков тип, кој ИСОС го склучува со образовна институција, а во насока на зголемување на атрактивноста на професијата и нејзино доближување до студентите. Договорот опфаќа заедничка реализација на:
- семинари, конференции и обуки од взаемен интерес;
- размена на експертиза и поддршка во научни и стратешки иницијативи;
- вклучување на членови на ИСОС како експерти во практичната настава на студентите;
- поддршка за студентски практики и ангажмани преку програмата „Студирај и работи“.
Соработка со Комората на вештаци: Јакнење на професионалните капацитетиВториот меморандум, потпишан со Комората на вештаци, има цел да обезбеди заедничко делување во областа на сметководството, судското вештачење и стручната обука. Клучните аспекти од оваа соработка вклучуваат:
- размена на податоци, знаења и искуства,
- организација на континуирано професионално усовршување (КПУ),
- заедничко учество во научно-апликативни проекти,
- активно учество на експерти од ИСОС во одржување на Континуирано професионално усовршување (КПУ) на вештаците од областа економија и финансии и на други настани од взаемен интерес,
- подготвување предлог-документи и насоки за развој на двете професии.
Со овие иницијативи, ИСОС ја потврдува својата заложба за градење партнерства кои придонесуваат кон квалитетен професионален развој, етичко и стандардизирано работење и континуирана едукација на сметководителите.Со почит,
ИСОССкопје, мај 2025